Молитвы святой равноапостольной Нине, просветительнице Грузии

Молитвы - Молитвы Святым (Н)

 

Молитва первая
О всехвальная и предивная равноапостоль­ная Нино, к тебе прибегаем и умильно тебе просим: огради нас (имена) от всяких зол и скорбей, вразуми врагов святыя Церкви Христовы и посрами противников благочестия и умоли Всеблагаго Бога Спасителя на­шего, Емуже ты ныне предстоиши, да дару­ет народу православному мир, долгоденствие и во всяком добрем начинании поспешение, и да приведет Господь нас в Небесное Свое Царствие, идеже вси святии славословят всесвятое Его имя, ныне и присно и во веки ве­ков. Аминь.

Молитва вторая
О всехвальная и предивная равноапостольная Нино, воистинну великое украшение Церкве Православныя и изрядная похвало народу Божию, просветившая всю страну Грузинскую Божественным учением, и подвиги апостольства победившая врага нашего спасения, трудом и молитвами на­садившая зде вертоград Христов и возращшая его в плод мног! Празднующе святую память твою, притекаем к че­стному лику твоему и благоговейно лобызаем всехвальный дар тебе от Божия Матере, чудотворный Крест, егоже ты обвила еси драгими власы твоими, и умильно просим, яко при­сную предстательницу нашу: огради
нас от всяких зол и скорбей, вразуми врагов Святыя Церкви Христовы и противников благочестия, охраняй твое стадо, упасенное тобою, и моли Всеблагаго Бога, Спасителя нашего, Емуже ты ныне предстоиши, да дару­ет православному народу нашему мир, долгоденствие и во всяком добрем на­чинании поспешение, и да приведет Господь нас в Небесное Свое Царствие, идеже вси святии славословят Всесвятое Его имя ныне и присно и во веки веков. Аминь.